“سلطه”

مشاهدة
أخر تحديث : الإثنين 7 مارس 2016 - 8:08 مساءً
“سلطه”

“طمام وخيار و ليمون و بصل و ملح” مقادير مختلفه نخلطها مع بعضها وحسب الذوق و الطبخة و الطباخ تكون نكهتها
وفي الأخير نسميها “سلطه”.

زمان كانت المقادير هذي تدور من بيت لبيت و فعززز ّ القايله نقعد نبرم على بيوت الجيران إلين ما تكمل المقادير و في الأخير نسميها “سلطه”.

لحد يجيني بعد كذا و يقول ترى أسهل شئ إنك تسوّي “سلطه” ،، لو عشتوا معاناة اللي داير فالشّمس كان عرفتوا قيمتها وفي الأخير تقولوا عليها “سلطه”.

وعشان أثبت لكم مدى الصعوبة في إنك تسوي سلطه ،، تخيلوا لنا أسبوعين مو قادرين ننتهي من السلطه اللي عمَّال تدور من مطبخ لمطبخ و مافي أحد قادر يلمّها في صحن واحد.

كل مين يدفها على مطبخ فلان ،، وتكفى ياشيخ خلصنا منها ما صارت “سلطه” ،، وفلان يدفها في حلق الثاني ،، تكفى يابو فلان قطعها ،، و الثالث يقوم يرميها من بعيد و يقول “لو سمحتوا أنا مالي فالسلطة شيلوها من هنا” و نهاية المطاف تطيح بيدين خبير الطباخين و يقول لهم قطعوها أوصال صغيره و لا تخلون أحد يأكل منها “و اللي اشتراها رجعوا له فلوسه”.

طيب وبعدييين وش ذنب اللي تعب في المقادير و جهزها “يعني تعفن يعني” و لا نرميها ولا كيييف ،، شفتوا كيف لمن نقول لكم مو سهل تسووا صحن “سلطه” .

يا جماعه المشكلة مو في المقادير ولا في الملح اللي يضبطها ولا حتى في الليمون اللي يحذقها ولا حتى البهارات نفسها المشكلة مافي سكين حااااااد عشان يقدر يقطّع كل المقادير ذي بالتساوي و يخليها لذيذة و الجميع يقدر يتذوق حلاوتها حتى ولو كانت مُرّه .

السلطة المسكينه الآن أصبحت بين يدي الشيف الكبير وزي ما يقولوا حقين الكوره “الكوره في ملعبك ” و الطبّاخ المحترف هو اللي تكون له لمسات واضحه تحلّي طعم السلطه حتى لو نقصت بعض مقاديرها.

سعيد الزهراني
@abu_3bdur7man

رابط مختصر

أضـف تـعـلـيق 0 تـعـلـيـقـات